Gusto Ko Imported

                   Isa ka ba sa mga Pilipinong mahilig sa imported? Na mas nais ang sapatos ni Mario D' Boro, kaysa sa gawang Marikinang pulido? Mamatay-matay makabili ng "Havaianas" na mayroon namang "Dragon" na mas abot kaya? O kaya ay mas suportado ang KPOP sa halip na OPM? Kung oo ang sagot mo, puwes may "Colonial Mentality" ka!

                 Hindi maikakailang mas kaakit-akit sa mata ang bag na may pangalang "Prada" kaysa "Secosana". Kadalasang mas mahal ngunit ayos lang dahil gawa namang banyaga. Nakakamangha ngunit nakakabahala rin kung isipin kung gaano kalaki tayong mga Pilipino magpahalaga sa mga obrang hindi naman atin. Palagi nating tingin na mas maganda ang produkto ng ibang bansa kaysa sa ating sarili. At kung pagkagusto sa mga banyagang bagay ang pag-uusapan, aba eh, itinodo na natin. Maging banyagang wika ay kinuha at isinantabi ang wikang pambansa. Kung ikaw ay laking Pinoy, alam na alam mo na diretsong magsalita ka lang ng Ingles, matalino ka na. Tatawanan ka pa kung magkamali ka sa gramatika.

                 Tayo ay nasanay na lagi na lamang sunudsunuran sa mga ibang lahi. Lagi na lamang utusan at nasa kababaan. Maging tingin natin sa ating mga sarili ay naging mababa na rin. Dahil dito, para na rin nating ipinagsawalang bahala ang buhay ng mga bayaning naghimagksik para sa kalayaan mula sa kamay ng mga dayuhan. Naghimagsik upang maging lehitimong bansa ang Pilipinas na makapagtutustos sa sarili nitong mga mamamayan. Naghimagsik upang ang Pilipinas, ay maging para sa Pilipino.

                  Sa daan-daang taong tayo'y naghirap, hindi natin kasalanan ang kagustuhang umunlad naman.Sa katotohanan, tayong mga Pilipino ay nakikisunod lamang sa takbo ng panahon. Nakikisabay sa pag-uunlad at paglaki ng modernisadong klase ng pamumuhay, ngunit kalakip nito ang pagkalimot sa ating sariling kultura at pagpapahalaga. Kabilang din dito ang pagkawala ng ating identidad at pagkakakilanlan bilang Pilipino sa kagustuhang maging katulad ng sa ibayong bansa. Subalit bakit tayo nakikisunod lang? Bakit tayo nanggagaya? Bakit tayo nanggagamit ng sa ibang lahi kung may atin naman? Bakit hindi kaya natin tulungan ang ating lahi at kultura na kumawala mula sa gapos ng nakaraan noong mababa ang tingin sa atin ng iba?

                 Aking lamang paalala, tanggapin mo ang "imported", ngunit mas gustuhin mo ang "iyo".

-- Noella Krishna L. Quisto

Mga Komento

Mag-post ng isang Komento

Mga sikat na post sa blog na ito

Epekto ng Social Media

Paksa: Epekto ng Social Media Para kanino: Para sa mga estudyante at adik sa Social Media Layunin: Ibahagi ang negatibo at positibong epekto ng bsocial media                               Simula noong na imbento ang modernong teknolohiya, particular na ang computer at internet, nagkaroon tayo ng mga tinatawag na social media. Ang social media ay mga websites at applications na ginagamit natin upang makapaggawa at makapagbigay ng komento o di kaya naman ginagamit ito upang makapag-ugnay sa social network.                               Ang social networking ay ang pakikipag-ugnayan ng isang indibidwal na magkalayo sa isa't isa. Maganda naman ang gamit ng mga social media katulad ng skype, facebook, twitter atbp. Ginagamit ito ng nakararami para sa komunikasyon tulad ng mga nagtatrabaho bilang ofw.         ...
Magbasa nang higit pa

"Epekto ng pagbabahagi ng mga impormasyon sa Social Media"

                    Ano ka ba klaseng tao sa Social Media? Ikaw ba ay ekspresiv? o ang pribadong tipo na tao? Mahlig ka ba sa Social Media? Aktibo ka ba dito? Ikaw ba ang palaging "nagpopost" o nagbabahagi? O ikaw ay isa sa mga bumabasa lamang? akomento dito minsan, o may "pashare" din, o baka naman talagang tumitingin at nagbabasa ka lang talaga? Sa sulatin kong ito, ibabahagi ko kung ano ang mga epekto ng sobrang impormasyon tungkol sa ating sarili sa ating mga social media.                                     Napakaimportante ang social media sa ating lahat. Sa pamamagitan nito, magkakaroon tayo ng komunikasyon sa ating pamilya o mga kaibigan kahit saan man sila. Sa social media, maaari din natin maibahagi ang ating mga damdamin o ang nasa isip natin. Ngunit ngayon, karamihan sa atin ay napapasobrahan na ang paggamit nito. Napapasobrahan na ...
Magbasa nang higit pa

Pulitika, Ano na nga ba ngayon?

          Ano nga ba ang pulitika?Kapag tayo ay nakaririnig ng ganitong salita, tayo ay napapaisip, ano nga ba talaga ang pulitika? Ito ba'y nakabubuti sa atin? O sadyang bulag lamang tayo sa kung ano ang tunay na nangyayari sa inang bayan? Pulitika pa rin ba kung maituturing kapag pansariling interes ang pinapairal? O pulitika ito kung tawagin dahil naglilingkod sa bayan ng walang hinihintay na kapalit?           Sa pang araw-araw na buhay natin, hindi talaga maiiwasan ang pulitika. Madalas itong laman ng telebisyon, radyo, at higit sa lahat mga pahayagan. Maging sa mga bahay natin kapag tayo ay naghahapunan hindi malilimutan ang diskusyon sa hapag-kainan tungkol sa pulitika. Pero ano na nga ba ang estado ng pulitika sa Pilipinas?           Sabi nila, mamamayan ang siyang makapangyarihan dahil sila lamang ang may karapatang magluklok ng isang pulitiko sa posisyong kanyang nais. Pero bakit hanggang ngayon samb...
Magbasa nang higit pa